Latest News

తమిళ తెరపై ‘మగధీర’

Posted by HeM on 12:40 AM in , | 0 comments
తెలుగు సినిమా వసూళ్ళను తిరగరాసి సరికొత్త సంచలనాలను నెలకొల్పిన చిత్రం ‘మగధీర’.
తెలుగు సినిమా వసూళ్ళను తిరగరాసి... సరికొత్త సంచలనాలను నెలకొల్పిన చిత్రం ‘మగధీర’. అత్యాధునిక సాంకేతిక పరిజ్ఞానంతో దర్శకుడు ఎస్.ఎస్.రాజమౌళి ఈ చిత్రాన్ని ఓ అద్భుత దృశ్య కావ్యంలా మలిచారు. అన్ని వర్గాల ప్రేక్షకాదరణతో సంచలన విజయాన్ని నమోదు చేసుకున్న ఈ సినిమా తెలుగు సినీ చరిత్రలో ఓ ప్రత్యేక స్థానాన్ని సంపాందించుకుంది. ఈ చిత్రం తాజాగా రెండు జాతీయ అవార్డుల్ని కైవసం చేసుకొని తెలుగు సినిమా సత్తాను మరింత చాటిచెప్పింది.

ఉత్తమ నృత్య దర్శకుడుగా శివ శంకర్, స్పెషల్ ఎఫెక్ట్స్ విభాగంలో కమల్ కణ్ణన్ ఆ అవార్డులను తెచ్చిపెట్టారు. కాగా, ఇప్పుడు ఈ అద్భుత చిత్రరాజం తమిళంలోకి అనువదించబడుతోంది. ఈ నవంబరుకి తమిళ ప్రేక్షకులు కూడా రామ్‌చరణ్ తేజ్ మగధీరుని విన్యాసాలను చూడబోతున్నారు. తెలుగు ‘మగధీర’ నిర్మాత అల్లు అరవింద్‌తో కలిసి కలైపులి.ఎస్.థాను ఈ చిత్రాన్ని తమిళ ప్రేక్షకులకు అందిస్తున్నారు.

ఈ సినిమాలో చరణ్‌కు స్నేహితుడిగా నటించిన సునీల్‌పై వున్న సన్నివేశాలను తమిళంలో తొలగించి అక్కడి ప్రముఖ హాస్య నటుడు వివేక్‌పై తెరకెక్కిస్తున్నారు.ఈ సన్నివేశాల్లో చరణ్ కూడా పాల్గొననున్నారు. తెలుగులో మాదిరిగానే ఈ చిత్రాన్ని తమిళంలో కూడా భారీ ఎత్తున విడుదల చేయడానికి సన్నాహాలు చేస్తున్నారు. తమిళ సూపర్‌స్టార్ రజనీకాంత్, శంకర్ కలయికలో రూపొందిన ‘రోబో’ (తమిళ వెర్షన్) చిత్రం విడుదల అయిన తర్వాత నాలుగు వారాలు గ్యాప్ ఇచ్చి, తమిళ ‘మగధీర’ను నవంబరు రెండో వారంలో ప్రేక్షకుల ముందుకు తీసుకరానున్నట్లు తెలిసింది.
Tags: ,

About author

Curabitur at est vel odio aliquam fermentum in vel tortor. Aliquam eget laoreet metus. Quisque auctor dolor fermentum nisi imperdiet vel placerat purus convallis.

0 comments

Leave a Reply